German 
French 
Italian
La gingivitis e la parodontitis vegnan chaschunadas tras bacterias che sa depositeschan sin las surfatschas dals dents. Questa placca bacteriala numn’ins era mo placca u biofilm. Tar in’igiena da la bucca insuffizienta pon bacterias sa multiplitgar svelt. Entant che las bleras sorts da bacterias èn nunprivlusas per l’uman saun, pon intginas sorts da bacterias – perfin en dumber pitschen – provocar grevas infecziuns.
Sche placcas bacterialas sin surfatschas dals dents na vegnan betg allontanadas regularmain, reagescha la schunschiva gia suenter paucs dis cun in’inflammaziun. La schunschiva daventa cotschna, unfla e sanganescha gia tar in lev contact mecanic, sco per exempel, sch’ins dovra fil dental. Sch’ils dents vegnan dentant nettegiads regularmain tar l’igiena da la bucca a chasa, van era quests segns da l’inflammaziun entaifer paucs dis puspè enavos.
Raschuns da la parodontitis
Il motiv principal per la parodontitis è la placca bacteriala che vegn era numnada sulettamain placca u biofilm. Ultra da quai influenzeschan facturs da ristga enconuschents sco fimar u in diabetes nuncontrollà il svilup d’ina parodontitis.
Placca bacteriala (placca, biofilm)
La placca bacteriala (placca, biofilm) è il motiv principal per l’inflammaziun da la schunschiva (gingivitis). Intginas sorts da bacterias pon favurisar vinavant il svilup da la parodontitis.
Proxima …Tartagl
Il tartagl è placca bacteriala chaltschinada che po sa furmar tant sura sco sut l’ur da la schunschiva. Il tartagl sto vegnir allontanà regularmain en moda professiunala.
Proxima …Fimar
Fimar reducescha la resistenza da la schunschiva envers bacterias nuschaivlas. Fimaders han dapli problems da la schunschiva e perdan dapli dents che anteriurs fimaders e nunfimaders.
Proxima …Malsognas generalas (p.ex. diabetes mellitus tip II)
Diabetichers senza controlla dal zutger dal sang han ina ristga augmentada da survegnir parodontitis. Medemamain han persunas cun parodontitis ina ristga augmentada da survegnir diabetes. Igl è opportun da sclerir omaduas malsognas.
Proxima …Nutriment
L’influenza d’in nutriment malsanadaivel sin la schunschiva vegn savens sutstimada. Las consequenzas èn ina ristga augmentada tant per il diabetes sco per la parodontitis sezza.
Proxima …Stress
Il stress reducescha la resistenza da la schunschiva envers bacterias nuschaivlas. Persunas sut stress psichic han perquai ina ristga augmentada da survegnir parodontitis.
Proxima …Genetica
Sin fundament da las differenzas geneticas po la defensiun immunitara da la parodontitis cunter bacterias che fan vegnir malsaun esser differenta. Per consequenza po qua tras il maletg da la malsogna variar d’uman ad uman.
Proxima …Vegliadetgna
Sin fundament da la durada da la malsogna cronica sa mussan las consequenzas da la parodontitis savens pir en la vegliadetgna pli fitg – ed en l’auta vegliadetgna.
Proxima …Placca bacteriala (placca, biofilm)
La placca bacteriala (placca, biofilm) è il motiv principal per l’inflammaziun da la schunschiva (gingivitis). Intginas sorts da bacterias pon favurisar vinavant il svilup da la parodontitis.
Tartagl
Il tartagl è placca bacteriala chaltschinada che po sa furmar tant sura sco sut l’ur da la schunschiva. Il tartagl sto vegnir allontanà regularmain en moda professiunala.
La placca bacteriala po chaltschinar a tartagl (mineralisar). Tut las surfatschas dals dents pon vegnir attatgadas dal tartagl. Savens èn era cunzunt las surfatschas da las ragischs en lieus cun tastgas da la schunschiva pertutgadas da quel.
La surfatscha dal tartagl è dira e vegn perquai adina populada danovamain da bacterias. Per quest motiv duess ins evitar uschè bain sco pussaivel ch’il tartagl sa furma cun ina buna igiena da la bucca a chasa regulara.
Il tartagl ch’è gia sa furmà na po dentant betg vegnir allontanà tras l’igiena da la bucca a chasa. Per questa raschun è la controlla regulara en la pratica da dentist cun in nettegiament da dents professiunal indispensabel.
La surfatscha dal tartagl è dira e vegn perquai adina populada danovamain da bacterias. Per quest motiv duess ins evitar uschè bain sco pussaivel ch’il tartagl sa furma cun ina buna igiena da la bucca a chasa regulara.
Il tartagl ch’è gia sa furmà na po dentant betg vegnir allontanà tras l’igiena da la bucca a chasa. Per questa raschun è la controlla regulara en la pratica da dentist cun in nettegiament da dents professiunal indispensabel.
Fimar
Fimar reducescha la resistenza da la schunschiva envers bacterias nuschaivlas. Fimaders han dapli problems da la schunschiva e perdan dapli dents che anteriurs fimaders e nunfimaders.
Fimar na donnegia betg mo la sanadad generala. Sper il lom ed il sistem cardiovascular è era la schunschiva pertutgada fitg da quai.
Schizunt cun ina buna igiena da la bucca a chasa pateschan ils fimaders d’ina sminuziun pli gronda da l’oss da la missella. Perquai han ils fimaders pli savens tastgas da la schunschiva e là in pli grond dumber da sorts da bacterias che fan vegnir malsaun. Fimaders reageschan era mender sin il tractament da la schunschiva che nunfimaders. Uschia han ils fimaders ina ristga remartgablamain pli auta da perder lur dents gia avant ch’ils nunfimaders.
Tar anteriurs fimaders po il stadi da la schunschiva vegnir meglier suenter paucs onns e cun ina buna assistenza professiunala. Anteriurs fimaders reageschan gia in onn suenter avair chalà da fimar meglier sin la terapia en cumparegliaziun cun pazients che fiman vinavant.
Schizunt cun ina buna igiena da la bucca a chasa pateschan ils fimaders d’ina sminuziun pli gronda da l’oss da la missella. Perquai han ils fimaders pli savens tastgas da la schunschiva e là in pli grond dumber da sorts da bacterias che fan vegnir malsaun. Fimaders reageschan era mender sin il tractament da la schunschiva che nunfimaders. Uschia han ils fimaders ina ristga remartgablamain pli auta da perder lur dents gia avant ch’ils nunfimaders.
Tar anteriurs fimaders po il stadi da la schunschiva vegnir meglier suenter paucs onns e cun ina buna assistenza professiunala. Anteriurs fimaders reageschan gia in onn suenter avair chalà da fimar meglier sin la terapia en cumparegliaziun cun pazients che fiman vinavant.
Malsognas generalas (p.ex. diabetes mellitus tip II)
Diabetichers senza controlla dal zutger dal sang han ina ristga augmentada da survegnir parodontitis. Medemamain han persunas cun parodontitis ina ristga augmentada da survegnir diabetes. Igl è opportun da sclerir omaduas malsognas.
La parodontitis ed il diabetes s’influenzeschan vicendaivlamain. Diabetichers senza controlla dal zutger dal sang han ina ristga augmentada da survegnir parodontitis e viceversa han las persunas cun parodontitis ina ristga augmentada da survegnir diabetes. Da l’autra vart na mussan diabetichers cun valurs dal zutger dal sang ch’èn bain regladas nagina ristga augmentada da parodontitis. Interessantamain ha era la terapia d’ina malsogna in effect positiv sin la terapia da l’autra malsogna. Per quest motiv èsi indispensabel che diabetichers vegnan d’ina vart controllads da dentists e da l’autra vart che persunas cun parodontitis vegnan examinadas da lur medis da chasa sin diabetes.
Las infurmazuns davart la parodontitis ed il diabetes e cunzunt l’impurtanza da lur diagnosa a temp ston vegnir resguardadas meglier. Deplorablamain san pir paucs umans ch’i dat quests connexs ed ultra da quai san actualmain mo var la mesadad dals diabetichers ch’els suffreschan atgnamain da questa malsogna.
Las infurmazuns davart la parodontitis ed il diabetes e cunzunt l’impurtanza da lur diagnosa a temp ston vegnir resguardadas meglier. Deplorablamain san pir paucs umans ch’i dat quests connexs ed ultra da quai san actualmain mo var la mesadad dals diabetichers ch’els suffreschan atgnamain da questa malsogna.
Nutriment
L’influenza d’in nutriment malsanadaivel sin la schunschiva vegn savens sutstimada. Las consequenzas èn ina ristga augmentada tant per il diabetes sco per la parodontitis sezza.
In nutriment malsanadaivel augmenta la tendenza d’avair in’inflammaziun da la schunschiva. Quai maina tant tar la gingivitis sco tar la parodontitis ad unfladiras pli grondas a l’ur da la schunschiva ed ina sminuziun augmentada da la fixaziun dals dents fin ad ina perdita prematura dals dents.
Medemamain augmenta in nutriment malsanadaivel la ristga da survegnir diabetes, tge che po influenzar vinavant la situaziun generala. Diabetichers han d’ina vart ina ristga augmentada da survegnir parodontitis e da l’autra vart da reagir mender sin il tractament da la schunschiva necessari.
Medemamain augmenta in nutriment malsanadaivel la ristga da survegnir diabetes, tge che po influenzar vinavant la situaziun generala. Diabetichers han d’ina vart ina ristga augmentada da survegnir parodontitis e da l’autra vart da reagir mender sin il tractament da la schunschiva necessari.
Stress
Il stress reducescha la resistenza da la schunschiva envers bacterias nuschaivlas. Persunas sut stress psichic han perquai ina ristga augmentada da survegnir parodontitis.
L’influenza d’in stress psichic sin la schunschiva vegn savens sutstimada. Las consequenzas èn ina ristga da parodontitis augmentada.
Tras il stress psichic vegn la resistenza da la schunschiva envers bacterias nuschaivlas reducida. Pertutgads han qua tras d’ina vart ina mendra defensiun immunitara e suffreschan d’in svilup pli pregnant da la malsogna da la schunschiva. Da l’autra vart prendan pertutgads era pli pauc peda per l’igiena da la bucca a chasa quotidiana. Correspundentamain ha la concentraziun bacteriala qua tras pli gronda supplementarmain in effect disfavuraivel sin la defensiun immunitara gia indeblida.
Tras il stress psichic vegn la resistenza da la schunschiva envers bacterias nuschaivlas reducida. Pertutgads han qua tras d’ina vart ina mendra defensiun immunitara e suffreschan d’in svilup pli pregnant da la malsogna da la schunschiva. Da l’autra vart prendan pertutgads era pli pauc peda per l’igiena da la bucca a chasa quotidiana. Correspundentamain ha la concentraziun bacteriala qua tras pli gronda supplementarmain in effect disfavuraivel sin la defensiun immunitara gia indeblida.
Genetica
Sin fundament da las differenzas geneticas po la defensiun immunitara da la parodontitis cunter bacterias che fan vegnir malsaun esser differenta. Per consequenza po qua tras il maletg da la malsogna variar d’uman ad uman.
La gingivitis e la parodontitis vegnan chaschunadas tras bacterias che sa depositeschan sin las surfatschas dals dents. Tar la defensiun immunitara da questas bacterias vegnan producids proteins da l’agen corp en la schunschiva inflammada che donnegian la fixaziun dals dents sezza e pon manar a sia sminuziun.
Sco la defensiun immunitara vegn a reagir sin las bacterias che fan vegnir malsaun, po a basa da las differenzas geneticas esser d’uman ad uman auter. Per quest motiv na sviluppan betg tut ils umans il medem maletg da la malsogna da la parodontitis, era sche lur igiena da la bucca a chasa è per lung temp insuffizienta.
Sco la defensiun immunitara vegn a reagir sin las bacterias che fan vegnir malsaun, po a basa da las differenzas geneticas esser d’uman ad uman auter. Per quest motiv na sviluppan betg tut ils umans il medem maletg da la malsogna da la parodontitis, era sche lur igiena da la bucca a chasa è per lung temp insuffizienta.
Vegliadetgna
Sin fundament da la durada da la malsogna cronica sa mussan las consequenzas da la parodontitis savens pir en la vegliadetgna pli fitg – ed en l’auta vegliadetgna.
La parodontitis po cumenzar en cas rars gia en la vegliadetgna da 18 onns u en cas fitg rars gia en la giuventetgna. Ils pli blers pertutgads survegnan dentant la malsogna en la vegliadetgna da 35 onns. Perquai che la malsogna sa sviluppa savens mo plaun, remartgan ils pertutgads las emprimas maldispostadads pir fitg pli tard – u schizunt memia tard.
Ina parodontitis betg tractada u betg tractada avunda en moda professiunala avanza vinavant. En la vegliadetgna – ed en l’auta vegliadetgna – sa mussan las consequenzas pervia da la durada da la malsogna anc pli fitg: dapli perdita da l’ossa, dapli perdita dals dents, in diabetes pli difficil da controllar u era dapli malsognas cardiovascularas.
Ina parodontitis betg tractada u betg tractada avunda en moda professiunala avanza vinavant. En la vegliadetgna – ed en l’auta vegliadetgna – sa mussan las consequenzas pervia da la durada da la malsogna anc pli fitg: dapli perdita da l’ossa, dapli perdita dals dents, in diabetes pli difficil da controllar u era dapli malsognas cardiovascularas.
Vus pudais utilisar tut noss cuntegns per vossas agnas producziuns sut renconuschientscha da la licenza Creative Commons:
Attribuziun - Betg commerzial - Partì sut las medemais cundiziuns 4.0 Internaziunal
https://creativecommons.org/licenses/by-nc-sa/4.0/deed.rm
